Ayiti gen randevou ak listwa aswè a !
Si Seleksyon Nasyonal la rive jwenn kalifikasyon pou Mondyal 2026 la, se pral yon moman ekstraòdinè pou yon pèp ki gen 52 lane depi li ap tann dezyèm patisipasyon sa a. Yon rèv kolektif, yon fyète ki depase foutbòl.
Date sa a, 18 Novanb 2025, pote yon siyifikasyon espesyal nan memwa pèp Ayisyen. Se menm jou zansèt nou yo te ekri youn nan pi bèl paj listwa nou.
E jodi a, nou menm pitit pitit yo, pote menm san an, menm kouraj la, menm ADN bravou a.
Sa yo te fè nan tan pa yo, nou kapab repwodui l tou,sou yon lòt teren, ak yon lòt zouti, men ak menm lespri batay la.
Aswè a, se pa sèlman yon match. Se yon randevou ak eritaj, ak fyète, ak listwa.
Ann fè yon sèl, ann fè bri, ann fè Ayiti klere ankò.

Commentaires
Enregistrer un commentaire